سيبك مني

سيبك مني و من أيامنا
سيبك حتي من أحلامنا
بس انا بسأل .. ايه غيرنا ؟!
ايه خلانا لما كبرنا …
ننسي انا وانتي يا عمري كلامنا ؟!

**************************

سهل الحب الغالي يروح ؟
سهل عليكي أعيش مجروح ؟
و لا حنينا كان كداب ..
ولا زمنا كله عذاب ..
فجأه يا عمري بدون أسباب
زمن القهر كسرنا قسمنا ؟!!!!!!
سيبك مني و من أيامنا
سيبك حتي من أحلامنا

**************************

ازاي قلبي طاوعه يشوف
جوه عنيكي شكل الخوف ؟!
هو انا قاسي وبقسي عليكي ؟!
و لا مكونتش دايب فيكي ؟!
ايه خلاني اسيب لياليكي
وابيع كل ما كان قدامنا ؟!
سيبك مني و من أيامنا
سيبك حتي من أحلامنا

سيد صادق