غلبت اقولك م/ محمد بدوى ابو العلا
كنت بتحايل عليك
وغلبت اقولك
خلينى جمبك
خلينى عايش بين ايديك
وتحس بى زى ما كنت بحس بيك
كان نفسى اشوفك
بتخاف على وكأن روحك
أو نبض قلبك مابين ضلوعك
غلبت اقولك
ان قلبى مربوط بقلبك
وان نبضى من وريدك
عايش حبيبى وكأنى منك
مخلوق حبيبى وكأنى ليك
خلينى جمبك
ومش هاعاتبك
عشان ف بعدك
لأ مش هاقولك
ببقى ميت لكن بعيش
بعقل تايه وروح مافيش
وذكرى باقيه ماتنتهيش
ف قلب موجوع خايف يعيش
ونبض ضعيف يمكن مافيش
كنت بتحايل عليك
خلينى جنبك
لكن خساره استكترت على ودك
واستخسرت فيا حبك
عايش ف بعدك
بس نور العمر غاب
وعايش ألوان العذاب
ف الليالى م الغياب
م/محمد بدوى أبوالعلا
مجلة نداء الرؤح لفرسان الكلمات 