والله مقصود
( الكلام)
والله مقصود الكلام
لليقول اويحكي ماعدنه ثقافه
امنين اجيت وصرت
انته ابن الحضاره
اتكلم وراح احكي عنك ياوزير
وهالبلد علم العالم وتدري بيه مهد الحضاره
وانه شاعر اخذ مني
ارد اعلمك ارد ادبك
وموش مظهر للي لابسله قيافه
هواي وصلت واكملت
ذيك الدراسه
امن الكرخ واهل الرصافه
عدنه ابكل ديره واعي وكل محله
من العراق وانته شوف اهل الصحافه
وانه عارف خذها مني
اشلون افضحك
وارد انصحك وماامدحك وبلطافه
ياوزير وياكبير عيني
يالصنا المثقف
ياحرامي من النزاهه
واعراقي اسمك يظل شامخ
من مسلة حمورابي
للوضع كل القوانين
الي تسري
وبالنجاره يعني اقصدها الصناعه وللزراعه وعالتجاره
والسايح اليشهد تشوفه من يزور
وانته زورة الشهاده يلي اجيت من القذاره
يعني انته ياوزير
المن اجيت
انته امي ابلا ثقافه
عايش اتلم القواطي
ابن الحواسم يعني ابن ذيك السخافه
وياحزب عينك ندري
وكتلتك بالقوه جتي
ياحرامي عيني يالص ابمهاره
الناس تعرف كلشي عنك ياوزير
وحتئ لو همه السكاره
ودايخه من يوم اجيتو اتسلطيتو
اتنصبيتو واحكي ابهاي العباره
عراقي مر ابظلم طاغي وعصر جاهل
وثار واحكم بثورته
اصدر قراره
عراقي واعي
وعدنه فن كل الحروب
والها لحظه وتجدح وتطلع شراره
وهالشعب صابراسنين
وعاش محنه
والعاش بره ابلا سفاره
والله مقصود الكلام
لليقول اويحكي ماعدنه ثقافه
امنين اجيت وصرت انته ابن الحضاره
شعر عارف شلش
الساعدي
العراق. بغداد
مجلة نداء الرؤح لفرسان الكلمات 