( من ضمتك محروم ) م / عبالحميد سالم
وطول م دمك بيجرى ف وريدى
لساكى عايشة ياأمى ودا العادى
شايفك ف دعوة صادقة لبلادى
ف قبضة قلبى على ولادى
لو حد منهم قام مفزوع م النوم
فاكرك وانتى وخدانى من إيدى
تعالى يا واد ف حضن أمك
إحكيلى ومين غيرى يشيل همك
ياللى كنت تخافى عليا م النسمة
ويزول همى لما كنت ألقاكى مبتسمة
حتى لما كبرت وانتى شعرك شاب
كنت شايفك ملكة لسة ف عز شباب
وانتى شايفانى لسة طفل وبتدادى
دا احنا بفضل دعواتك لسانا بنعافر
ف دنيا التلاهى لحد م نتقابل
والله دنا لو نسيت حنانك يوم
ما حتى أستاهل لقب مرحوم
وصورتك إللى أول مرة أنشرها
ساكنة ف قلب من ضمتك محروم
١١
تعليقان
أعجبني
تعليق
مجلة نداء الرؤح لفرسان الكلمات 