أحب مصر
أحب مصر العشقاني
عطشان ونيلها كفاني
خيرها بالحب نداني
سحر غناها خلاني
حبها ياناس سجاني
فدوبني اول وتاني
مصر بعيون سحراني
بهواها وجمالها هواني
الحب دا شيئ رباني
أمي وبالكون عجباني
علشان فريدة بزماني
بالأشواق حبها رماني
ببحرها كنت الأولاني
أحب مصر العشقاني
يا زرعه الورد بستاني
وعطرك بيحلي أواني
مصري وأنت عرفاني
دايب فيكي كل كياني
عاشق وحبك بلساني
بردده بالدنيا أغاني
ست الحسن يا أماني
عشقك يوم ما جفاني
بتزيد بحبك إيماني
بتوزع الحنه صواني
وللهنا دايما وخداني
أحب مصر العشقاني
وجوا قلبك أسراني
اكون الحامي بثواني
واقف بالصف الأولاني
عيشك ياحبيبه مكاني
اشيلك حبك بأجفاني
فيشد عودي بأغصاني
فتقولي حبيبي جاني
واتنصف بعد ما آتاني
خليك هرمي بعنواني
ياعمر إبتدى عشاني
غرد ليا حبك بألحاني
يامصر بالهوا شغلاني
احب مصر العشقاني
الشاعر/إبراهيم شبل
أعجبني
تعليق
مجلة نداء الرؤح لفرسان الكلمات 