المرة دي ونعم الجرح
جرح مضاعف
كله مشاعر
كله حنان
تفرق ايه هي الاحزان
والله مش محتاجه شرح
رقة بتدبح
رقه مليانه صوت
وبرضو ممكن تبقي
مشاعر بتموت بسكوت
وممكن تلبس الف قناع
الف باروكه تخفي بيها
الشعر الابيض
الف طريقه تجرح بيها
يانهارابيض
في الاخر اصلك بياع
هي المركب تقدر تمشي
مكسورة شراع
ولا الضلمه هتيجي في يوم
تحب شعاع
نفس الجرح ونفس الداء
بس ده اصعب
لما الجرح بعد مايدمل
تاني بيرجع
لو في الاول جرحك عادي
تاني مرة المك يوجع
جرح بجرح
دمع بيجر الدمع
هو اخرة دمعك ايه
هو بعدالموت وحسابه
حاجه بتنفع
نفس الداء
نفس الجرح
هي معادلة لكن صاعبة
ابقي بحبك
وانت في الاخر تخدع
اشفيك من كل اوجاعك
وانت بطيبة
حاجه غريبة
ولا بتشوف
ولامرة بتحاول تسمع
جرب يلا ودوق الجرح
يمكن جايز
يمكن بعد ماتندم ترجع
احمدعبدالحق
مجلة نداء الرؤح لفرسان الكلمات 