( شيله )
شيلت مراتى لقيتها تقيله
قلت أفصل واحده عموله
أو أوزنها ولو بالكيله
جايز تنفع وقت الأزمه
★★★★
أصل اللحمه ساعات بتشح
وانا ف الشربه بسف و ادح
حتى المعده ساعات بتلح
وانا بتلخبط واضرب لخمه
★★★★
قلت لنفسى ياراجل مالك
دانت يادوبك عز شبابك
إللى ف سنك زى عيالك
عامل هيصه من غير لازمه
★★★★
بكره تلاقى جمالى مزهزه
بص لكرشك شكله مرهره
فاكر نفسك عاشق مهره
بكره تلاقى ف إيدى العصمه
★★★★
إحمد ربك وارضى وسلم
هى نصيبك قوم يا معلم
سلم رايتك ولا تتكلم
خد من غيرك حتى الحكمه
★★★★
فاكر نفسك أقال اكزانوفا
مش بحمولتك ولا بالزوفه
يللا ياراجل شوفلك شوفه
بكره ح تفهم معنى الكلمه
★★★★
إوعى تصدق إنك راجل
أو ف صفاتك إنك كامل
دا انت بكرشك شبه الحامل
من طول حشرك جتلك تخمه
★★★★
( نبيل الوردانى )
٢Mansour Benmansour وشخص آخر
٤ تعليقات
أعجبني
تعليق
مجلة نداء الرؤح لفرسان الكلمات 