محتاج لحضنِك بالقَوِي
محتاج لضمّة وارتوي
محتاج كلام مِنك يداوي
لِسّاك يا جرحي بتتكوي
حاسس غريب في دنيتي
كِسوة حنانك سَلوتي
فَكرة يا امّا خطوتي
سنداها دعوة بسِكتي
حاجات كتير بعدك يا أمي اتغيرت
النمل طال فوق البيوت اتعطبت
جرحوا فيّ كلمة حلوة اتخضبت
ياما قلوب بعدك كمان اتبعترت
البعد خدها في سِكتُه
حبال وصالها اتلطمت
ضهري بيكِ قوته
لضلوع ببان اتكسرت
فُوتيني يا امّه من زمان
وجُدوري لسه على التراب
اتعثرت
خوفي بيكِ كان أمان
بعد الغياب الجدر شاب
اتحطبت
وفروعي تاهت في المكان
والدمع سال كاللعاب
اتحجرت
أصرخ هنا
بَعدك أنا
لامش أنا
ما كل حاجة اتغيرت
بقلمي:د/نجوى رسلان
مجلة نداء الرؤح لفرسان الكلمات 