( وحكتب شعر ) :
وحكتب شعر
وحغيظهم وحفرسهم
وحكتب شعر واخرسهم
حتبقى كلمتي لودر
حيطحنهم ويهرسهم
كلامي وشعري ع الواحده
وع الفرازه حرف بحرف
بخُش سجال وبتحدى
في إملا وحتى نحو وصرف
وبكتب شعر بالفطره
ومن يومي وانا موهوب
ده ربك صاحب القدره
ما اهو ربك ده رب قلوب
.
ما تيجي مره وتحاول
وتسمع كلمتي مني
ونقراها ونتداول
هتعرف قد إيه فني
ومش متعالي ولا مغرور
لكن نفسي الاقي ف يوم
بدال الضلمه يبقى في نور
ويبقى الحب دايم دوم
فليه الغيره بين الناس ؟
وليه الحقد مالي قلوب ؟
وليه الشك والوسواس ؟
وليه عايشينها بالمقلوب ؟
بقلم الشاعر جمال زكي عينر
أعجبني
تعليق
مجلة نداء الرؤح لفرسان الكلمات 