أنت أمي
أنت أمي ساكنه دمي
ليا روحي ونبض قلبي
جوا حضنك برمي همي
من غيرك عليا يسمي
بيني وبينك حبل سري
دايما في بحرك بخطي
أنت أمي
عوزلي بالدنيا الريادة
أفراحي تكون زيادة
احزاني ليك الوسادة
بسمتي بالوش عادة
حبك فرض وعبادة
تستحقي مليون شهادة
أنت أمي
عندي أجمل حكاية
يانجمه بالسما ضوايه
بالقرآن والأنجيل آيه
يا مدرسة علمك كفايه
انت روحى وكل منايه
يا أمل ساكن جوايه
أنت أمي
شيلني بكرة من امس
بتفهمني آه بالهمس
دعاكي بيلمسني لمس
عرفاني بأجمل حس
أنت ليا الدنيا وبس
اذا مسني فيها مس
أنت أمي
حروفك حب للناس
قلبك زي بريق الماس
أنت لزهورنا الكأس
أمي لرقي أساس
اجمل وأرق إحساس
أنت أمي
ليه خوفك سابق كلامك
ضحكتك تسبق ملامك
حتى في وقت خصامك
قلبك بيبعت ليا سلامك
وابتسمتك تخفي الآمك
فاز من يعيش عشانك
أنت أمي
لسه جوا عيونك عيل
رغم شيب الشعر عيل
شجرة ضلك عليا ميل
لما انام بحضنك أأيل
أحلى شربة بالسبيل
بسمع دعواتك بالليل
لقائي بيك حلم طويل
أمي قهرتي المستحيل
ليكي الأماني رد جميل
أنت أمي
تغني باسمي المواويل
حكمة مآثورة بالأقاويل
يا أمي للسلامه دليل
فجرك ملهوش مثيل
شبلك أسد مش عويل
عمره ما يخون الأصيل
أنت أمي
نصايحك ليا كتاب
خد بالك م الصحاب
الصحة وغدر الشباب
الدهب بكفك من تراب
خيرك كيف السحاب
قدوة بالذهاب والأياب
وخيرك للأهل والأحباب
وما ترد سائل م الأعتاب
حب الصادق وأكره الكداب
أنت أمي
لما يسألوني يوم عن أمي
بالفخر ارفع للسما رأسي
و اشمر عن سعدي وكمي
دا الجنة تحت اقدام أمي
دا تكريم رب السما لأمي
انت أمي دمك هو دمي
أنت روحي ونبض قلبي
أنت امي
الشاعر / إبراهيم شبل
١Mansour Benmansour
تعليق واحد
أعجبني
تعليق
مجلة نداء الرؤح لفرسان الكلمات 