((( أنا ليه ))) بقلم الشاعر الغنائى محمد البريمى

من وحى الخيال ..

شعر غنائى ..

((( أنا ليه )))

أنا ليه حظى كده مع الأحباب .. تملى مزعلنى ببعادهم عنى ..

أفكر فيهم و أنشغل .. و هما مش حاسين بالنار اللى بتحرقنى ..

طاب إيه الذنب إللى عملته .. ولا عشان منا حبيتهم ..

و خدتتنى اللهفه لحنينهم .. يشغلوا ليه فكرى و ظنى ..

أنا ليه حظى كده

عمرى م حبيت حد .. إلا و خدعتنى ضحكته ..

يوعدنى إنهارده .. و تانى يوم يغير كلمته ..

يكلمنى ع المحبه .. و هو عقله مش معايا ..

ونا ماشى معاه حبه حبه .. معرفش إيه إللى ف نيته ..

أنا ليه حظى كده

لما كرهت الحب و سيرته ..م بقتش آمن على روحى ..

بعد العذاب اللى أنا شوفته .. سنين ونا بأعذب ف روحى ..

كنت فاكر إن ليا حبايب .. أخاف عليهم و يخافوا عليا و ف قلبهم ليا نايب ..

أتارينى كنت بأحلم .. و الحلم صبح دايب ..

أنا ليه حظى كده ..

بقلم الشاعر الغنائى ..

محمد البريمى ..

١سماح الحنفي

تعليقان

أعجبني

تعليق