( يام العيون السود ) :
يام العيون السود
ورمشهم دباح
النظرة منك سهم
صاب القلوب بجراح
كل الضحايا اشتكوا
من رمشك الجارح
مع إنهم ادمنوا
جرحك مسا وصباح
يام العيون السود
والكحله ف عينيكي
عين الحسود فيها عود
وملايكه حواليكي
خايفين عليكي م الهوا
يطرف لعينك رمش
حاسبي عليا ارحمي
قلبي اللي ف إيديكي
يام العيون السود
وردك علي خدك
حُسنك مالوهش حدود
يا حلوه مين قدك ؟
الله على بسمتك
الله بتسحرني
إمتى تحنى بقى ؟
وأنول في يوم ودك
يام العيون السود
وعينيكي قاتلاني
إمتى هواكي يجود ؟
وأحكي لخلاني
و ربنا المعبود
يوم ما الهوى يسمح
حيبقى يوم الهنا
والهم ينساني
بقلمي الشاعر جمال زكي عينر
١١
تعليق واحد
أعجبني
تعليق
مجلة نداء الرؤح لفرسان الكلمات 