( اللي يعيش ياما يشوف ) :
اللي يعيش ياما يشوف
واللي يلف يشوف اكتر
ناس عايشه فى فقر وخوف
وناس في العز تتغندر
وناس في الشتا تتلف بصوف
وناس في البرد تتكدر
وناس تعمل معاها معروف
لكن للخير بتتنكر
ناس تشقى وما تكسبشي
وناس تكسب ما تشقاشي
وناس تلقى وما تتعبشي
وناس تتعب ما تلقاشي
صح غلط كله بيمشي
المرتشي زي الراشي
نقول ده حرام وما ينفعشي
يقولولك عادي ما يجراشي
بقت خلاص ما بتفرقشي
الغالي واللي ما يسواشي
خليك فاكر وما تحلمشي
العين ع الرمش ما تعلاشي
طز يا دنيا فيكي وطزين
سايبهالك برضه وماشي
بقلمي الشاعر جمال زكي عينر
أعجبني
تعليق
مجلة نداء الرؤح لفرسان الكلمات 