مسحراتى
مسحراتى وماشي بنادي فى
كل مكان وبغني ليلاتي
وبقول وأعيد والقلب سعيد
صافى النية والروح هيمانة
وفى حب الرحمان متهنية
وبلف فى كل حارة مأنا
مغرم صبابة واللف شطارة
والناس سهارة زاى الطير
تحب الملاغية
وبقول أحلا كلام أصحى
النايم والغفلان ومعايا كام
موال وأنا فقير الحال
وقلبي بالحب مليان
والطبلة دى صنعتي والكلام
لعبتى وبخبط على كل باب
وبقول يا أحباب أصحوا
ينبكم ثواب رمضان كريم
وأجره عظيم وبدون حساب
أصحي يا عم وأنت يا خال
وتعالوا يا عيال الليلة حلوة
والنفس سامحة والنجوم
سابحة لفوا معايا وولعوا
الفوانيس كلنا عيلة وأعملوا
هليلة تلاتين ليلة أرقصوا
وغنوا أفرحوا وتهنوا والكل
يهيص وولعوا الفوانيس
وهاتى فنوسك يا عبير وأنت
يا كريم إمسك إيد عزيز
ونادي على حنا يفرح معانا
قولوا وغنوا رمضان كريم
ويا للة بسم الله نمد إيدينا
وبالصلاة على نَبِينا الخير
مالينا دا شهر كريم وخيره
كتير والبركة فيه بتزيد وندعي
من قلوبنا ربنا ما يفرقنا ودايما
متجمعين الهلال مع الصليب
مسحراتى وبلف بنادي في كل
مكان أصحي النايم والغفلان
بقلمى/ هشام محفوظ
١١
تعليقان
أعجبني
تعليق
مجلة نداء الرؤح لفرسان الكلمات 