بمناسبةانتصار العاشر من رمضان
…… ياللى ماشى جوه سينا ……
ياللى ماشى جوه سينا
خف رجلك عن ترابها
اصلك انت وانت ماشى
مش هتعرف دم مين
خالط ترابها
لو مكدب يوم كلامى
روح واعرف من عربها
ابقى خف الضغط يمكن
دم اخويا او ابن عمى
لمادافع عنها يوم
من عدو طالب خرابها
ياللى ماشى جوه سينا
ياللى ماشى جوه سينا
سمى باسم الله وعدى
لو بصحرا او مدينه
تلقى جدك عضمه فيها
وعضم جدى
ارض مصر الطاهره هى
اصل شاربه دم عمك
خالطه منه بدم عمى
دم احمد ولا مينا
والتراب قوام شربها
لو ف مره تبيع تاريخها
يبقى جايلك يوم عقابها
ياللى ماشى جوه سينا
خف رجلك عن ترابها
ياللى ماشى جوه سينا
سمى واتذكر حروبها
وافتكر الست مريم
والمسيح حامياه عربها
واما موسى نادى ربه
جوه وادى من دروبها
راح تلاقى
كل شجره وكل نخله
تلقى فيها الثمره احلى
ارض بارك فيها ربك
وبجنوده راح يصونها
ياللى ماشى جوه سينا
خف رجلك عن ترابها
……….. احمد عامر ………….
ننوه ان ماينشر حق مسجل بالهيئات المنوطه بذلك3501/2021 س م ب
أعجبني
تعليق
مجلة نداء الرؤح لفرسان الكلمات 