الحب الضائع
( الجزء الخامس )
_____________
الملكه: اصحى يا سمسمه الناس تحت
مستنياك من بدرى
قومى اغسلى وشك
وظبطى مكياجك
أنا عاوزاكى الليلة تبهريهم
سمسمه نزلت وهى مجبورة الجو ده غريب عليها
لا عمرها شربت ويسكى ولا بيرة
ولا عمرها قعدت مع رجال ولا بنديره
هى بالنسبة لهم مجرد صورة
كل واحد يبوس ايد الاميرة
سعيد بيه : كده القعده احلوت
الملكه : وهى منكتش حلوة الاول
انا زعلانه منك هو انا موش منورة
حسن بيه : محدش قال كده يا ملكه
بس الاميرة دى مشاء الله عليها جميله
ممكن نتعرف عليها اسمها ايه
الملكه : دى سمسمه
اسماعيل بيه : جميله ومسمسمه
ليه يا ملكة هى حزينه موش مبتسمه
الملكه : لسه مخدتش عليكم
انا قلت لكم وحده وحده عليها
ابو على : كده هتحلى القعده
العب يا سعيد بيه اقعدى جنبى يا سمسمه
اسماعيل بيه : ليه متقعدش جنبى انا
الملكه : هتتخانقوا تانى حاشغلكم الموسيقى
وسمسمه ترقص لكم ايه رايكم
سعيد بيه : هو ده الكلام شغلى الاسطوانه
وصب لنا كاس
يا ابو على فرق الورق يا سمعه
سمسمه رقصت والرجال برقصها مبهورة
وعينهم منزلتش لحظة من عليها
ابو على ساب الورق وقام رقص معاها
ونقطها وتبعه سعيد بيه وكمان سمعه
الملكه انبسطت وشربت لوحدها كاس ويسكى
بتقول فى نفسها يا ملكه الليله انتى اللى فزتى
الرجاله هيجوا ينورا القصر كل ليله
والبركه فى سمسمه خرجت منها ابتسامه عريضه
كل اللى حولها سمعها سعيد بيه قالها موش هترقصى
قالت له انا كده باشرب ومبسوطة انبسط انت
خلصت الوصله والرجاله من الرقص تعبوا
كلهم نقطوا سمسمه وودعوا الملكة وانصرفوا
الملكه على حالها الضحكه على وشها ملازمها
سمسمه قالت لها مالك يا ملكه
قالت لها تعالى اشربى كاسك
سمسمه قالت لها انا عملت اللى قلتى لى عليه
بس الشرب لا اعفينى منه
الملكه قالت لها على راحتك انا فى حلم جميل
متحصنيش منه اطلعى غيرى ونامى انا هبات هنا
**************
عباس صالح
مجلة نداء الرؤح لفرسان الكلمات 