الحب الضائع
(الجزء السادس)
——————-
سمسمه صحيت من النوم متأخره
صحيت على صوت صاحبتها سكرة
سكره : انتى ليه مبترديش عليا يا سمسمة
وليه نايمه كل ده
ده انتى بتقومى من النجمة
سمسمه : سهرت امبارح شوية
سكره : ده نوم العوافى اللى بيقولوا عليه
لا شغلة ليكى ولا مشغله
عايشه هنا هانم ومتستته
المشكلة فيا انا عاوزة حد ينتشلنى
بس ناس ليها بخت وناس ليها ترتر
على فكرة يا سمسمة حبيبك باسم بعت لك جواب
سمسمه : كده ولا تقوليش عليه اخس عليكى
سكره : انا قولت اسيبك تتهنى فى العز شويه
على ايه اعكنن عليكى
سمسمة : فين الجواب عاوزة اقراه وحشنى باسم قوى
سكرة : الجواب اهوه هاتى الحلوان الاول
سمسمة تمسك الجواب تحضنه فى شوق ولهفه
تفتتحه تقراه مع كل سطر تقراه تنزل دموعها
وتقول انا اللى عملت فى باسم كده
انت عارفه يا سكرة هنا موش نعيم وهنا زى ما انتى متخيله
هنا كل حاجه ليها تمن بس الشاطر اللى يقاوم
بس هاقاوم لحد امتى دى اول السكة
اللى جاى اصعب والحفر فى السكة كتيرة
تعمل ايه فيها الاميره ده اسمى هنا
والهانم اسمها الملكة
شوفتى يا سكرة الوعكة
اللى أنا فيها
سكرة : انا فاكرة انك متهنية وحسدتك على اللى انتى فيه
ربنا يعينيك ويقويك انا موش هاسيبك
هاغيب شويه وهاجى لك
دلوقتى هتردى على باسم هتقولى له ايه
سمسمة : سيبينى شويه افكر عدى عليا بعد يومين
سكره : براحتك يا سمسمه
سمسمة : انا قولت يومين اتنين
_________________
عباس صالح
٢Tghred Ahmad وشخص آخر
٣ تعليقات
أعجبني
تعليق
مجلة نداء الرؤح لفرسان الكلمات 