( المسحراتي ) كلمات/صبري حسين
(14)
مسحراتي
انا المسحراتي
بعزف علي نايي
بلف علي قدمي
بنادي يا احبابي
احنا في أيام صعبة
كل حاجة غالية
مع كدة عايشين في تبذير
ناكل قليل ونرمي كتير
وده مش أسمه كلام
ده حرام
الدين قال لا تقطير ولا تبذير
كما جاء في القرآن
بعد اعوذ بالله من الشيطان الرجيم
( وءات ذا القربي حقه والمسكين وابن السبيل ولا تبذر تبذيرا(٢٦) إن المبذرين كانوا اخون الشياطين وكان الإنسان لربه كفورا(٢٧) الاسراء
يا مسلمين يا موحدين
عايزين نكون من بني الإنسان
مش عايزين نكون من الشياطين
كل واشرب
تناول كل ما تحب
بدون تبذير ولا إسراف
سبحانه نهانا عن الاسراف
اسمع كلام رب الأرض والسماء
(يبني ءادم خذوا زينتكم عند كل مسجد وكلوا واشربوا ولاتسرفوا إنه لايحب المسرفين31)الاعراف
يا مسلمين ياموحدين
علينا بالاعتدال
لا تقطير ولا تبذير
لو عندك فائض بص للغير
في ناس مش لاقية قوت يومها
اعمل اللي يكفيك
بلاش تأكل وتاكل الارض معاك
الايام دي مش محتاجة تبذير
محتاجة تدبير
قالوا أهل زمان في الامثال
البطن عمرها ما تشكر
اكلت ملح ولا سكر
اسمع كلام النبي المختار
اذا سقطت لقمة أحدكم فليمط اللذي ولياكلها ولايدعها للشيطان
وقال عليه الصلاة والسلام
ومن كان عنده فضل زاد قليعطيه من لا زاد له
يا مسلمين يا موحدين
علينا بالتدبير
ونبعد عن التقطير والتبذير
احنا أمة النبي المختار
كل حاجة عندنا بالاعتدال
شوف آداب الطعام
من كلام مسك الختام عليه الصلاة والسلام
ما ملا ابن آدم وعاء شر من بطنه بحسب ابن آدم لقيمات يقمن صلبه
فإن كان لا محالة فثلث لطعامه وثلث لشرابه وثلث لنفسه
صدق رسول الله عليه افضل الصلاه واتم التسليم
يا مسلمين يا موحدين
كل شئ موجود في الدين
خليك مع القران
وسنة النبي العدنان
تعيش في سلام وامان
وتكون بجوار الحبيب في الجنان
يا مسلمين يا موحدين
بلاش إسراف ولا تبذير
كل سنة وانتم طيبين
رمضان كريم
صبري حسين
١١
مجلة نداء الرؤح لفرسان الكلمات 