الأم
شايل هموم وأنا لسه عايشة
وأنا لسة باغزل لك حياة
م تسيبني ياابني أحلم معاك
خلّيني بسمة ع الجباه
الإبن
ريحتك يا أمي بشتاق إليها
لما بارحل عن بلادي
أبقى تعبان … ولّا أعاني
إنتي نبراس م الإلاه
الأم
يابني إنت البسمة ليَّ
ولحياتي أحلي نور
إنت منهاجي ومنايا
وبفرحتك ألقى السرور
الإبن
ياما إنتي عليَّ غالية
وإنتي النور للعيون
بشتاق إليكي وليَّ جنة
إنتي لي الصدر الحنون
ليكي بشتاق وإنتي جنبي
لما تغيبي الضلمة تيجي
نفسي أنده لك تجيني
لما بتغرب في يوم
الأم
يابني إنده ح تلاقيني
لو ما بيننا ألف ميل
قلب أمك أمين عليك
مهما غلبتنا الظنون
مهما تبعد رح تلاقي
صورة ليَّ هناك ف قلبك
ولو ح تسأل مرة عني
مش ح لاقي زي حبك
إنسى أي خلاف ما بيننا
ياما كترت العناد
يكفي يابني شايلة همك
وإنت كترت البعاد
*.*.*.*.*.*.*.*.*.*.*.*.*.*.*.*
المهندسين في ١٥ / ٤ / ٢٠٢٢ م
شايل هموم
مناجاه من تأليفي
هشام علي
*.*.*.*.*.*.*.*.*.*.*.*.*.*.*.*
مجلة نداء الرؤح لفرسان الكلمات 