الحب الضائع (الجزءالسابع)
—————————
سمسمة كتبت جواب لحبيبها باسم قالت فيه ايه :
حبيبى باسم وحشتنى قوى
انا عارفة انى غلطت فى حقك
بس الظروف كانت اقوى مننا
احنا حظنا اننا اتولدنا فقراء
ومقطوعين من شجرة
لاهل يسألوا علينا
والعيون كلها عاوزة تنهش فينا
كان لازم الظروف دى تتغير
انا لما الفرصة جاتنى
قولت اجرب وانا وحظى
وانا كمان انبسطت منك
لما سمعت نصيحة زمايلك
وسافرت دول الخليج تجرب حظك
انا هانتظرك حتى لو غبت عنى سنين
اتجدعن واعمل لنا قرشين
نعمل اللى نفسنا فيه نشترى شقة
على قدنا نفرشها ونجهزها ونتزوج
انا عارفة انت بتفكر في ايه دلوقتى
هل انا هافضل مخلصة لك
واحافظ على نفسى لحد ماترجع
انا اوعدك ان ماحد يقدر يلمسنى غيرك
ولا حد يقدر يدخل قلبى ياخده منك
ااكد لك انى بأحبك الى الابد
فى الختام اقولك سلام
ربنا يقرب البعيد ويحقق لنا الاحلام
……………………….
حبيبتك سمسمة
————————— عباس صالح
مجلة نداء الرؤح لفرسان الكلمات 