رسالة للأمة العربية
شعر . أيمن رضوان .. مصر
———————————
فوقي ياأُمَّـة كفايا كلام
فوقي ياشيخة بلاش أوهام
كل كلامـك أصبـح بـايتْ
شكل رغيـفك باهِتْ عاتِتْ
حتى الميه عكار وِرَتَارِتْ
فوقي ياأمـــــة كفايه كلام
كنتي امبارح لابسة الطرحة
زي عيون البنت السـارحة
فاكرة حبيبها جي بفرحة
اتاري الفرح صبح أحلام
فوقي يلا دا حلمك صدى
شاف زعبوبة قام واتْغطى
لم اتهدي الريح اهو وطَّى
وطَّى وكانت نومــة ماقام
فوقي تقيله عليـكي الشيلة
حُطي رْحــالك في الضليلة
واحكي لينا حكاية طويلة
يمكن ننسى باعونا بكـام
فوقي بلاش اتْغُطِّي ف نومك
فوقي وشوفي خيبة قومك
سابو الكل وزادو فلومـك
ولا اقلك سيبك منهم كله تمام
ولدك ناجــح رافــع راسـك
وف محـــرابك دايماً ناسك
عمال يسـرق كـل أسـاسك
سابك تايـهة اوْرَوَّح نـــام
والتاني واقف حارس ليكي
شمعة اتنور من حواليكي
بس خسارة باع اراضيكي
لما بقيتي ياشيخة حُطام
والتالت سابك وسط الضلمة
يومك امسك ليلك عتمة
في الضهرية تشوفي النجمة
لما ابقيتي عجــوزة تمام
زي الحــرمة لـما اتعجـز
جـوزها عنها راح واتعزز
ل بنت صبية عمأل يغمز
ناسي ياستي انه حـــرام
والتالت عايش فيها بخفة
زايع صيته كـــداب زفة
كل ما ضاقت يـديها لفة
يشحت قوته من الأقزام
والرابع واحد نايم عاطل
عمال يغلي عقله مـراجل
شايف غيره للنور واصل
عاشها حياته حجيم وظلام
والخامس عامل فيها ابوزيد
فتنها وسابك نارها اتقيد
كل كـــلامه بس وعـيد
عشمان يصبح م الحـكام
والسادس واقف ساكت ساكن
بس بيهدر زي مطــــاحن
كل اولادك سكنوا مدافن
تسألي عنهم دول أنْعام
والسابع هاجر سايب أرضك
فرط حتي ياستي ف عِرْضِك
بعد ما جابك طولك عَرْضِك
نفسه فلقمة بعد صـــــيام
والتامن فاتك للسوس يرعى
عامل ساسك بيت ومـرعى
لما قضاها من غـير صنعة
شرُّه اهو باين فَك الْجَامْ
والتاسع عامل زفة وهيصة
علشان حتة بنت رخيصة
سابك اهوا ياستي فريسة
تنهش فيكي كلاب لايَّام
والعاشر عامل فيها مثقف
شاعر ناعم أيوه مُرهَّف
كل كلامه عشق مُصَنَّفْ
حتى ماكاتب ليكي كـلام
كل اولادك اهما فاتوكي
لجل متاع الدنيا باعوكي
لما مرضتي قاموا رموكي
جســمك دايب كله ألام
حتي الأقصى كماني خانوه
خســــة وغدر دول عَلَنُوه
بالتطبيع والله هـــــــــــانوه
أمة صحيح صبحت أقزام
فوقي ياأُمَّة كفاية كـلام
فوقي ياأُمَّة كفاية كــلام
١١
٤ تعليقات
أعجبني
تعليق
مجلة نداء الرؤح لفرسان الكلمات 