( ياللي عايشها بكش ) :
ياللي عايشها بكش وأوانطه
شد لحافك نام واتغطى
يمكن تحلم حلم جميل
بطبق كشري ودقه وشطه
ما بتفرقش معاك الدنيا
أيامك بتعدي ف ثانيه
مش شاغلاك ابدا مشاكلنا
ولا شاغلاك دنيتنا الفانيه
ماشيه معاك الدنيا حلاوه
ليل قشطه ونهار بقلاوه
وبتتمخطر وبتتغندر
حبه لطافه وحبه شقاوه
عيشتك لعب ومافيهاش جد
سهلة لذيذة ومالهاش حد
ما بتفرقش معاك أيامك
ولا تعرف سبتك م الحد
كل السر ف تلك الخلطه
حبه بكش وشويه أوانطة
وان سألك حد على مكانك
تبقى ف شبرا تقوله ف طنطا
بقلمي الشاعر جمال زكي عينر
٥Seham Foad، Tghred Ahmad و٣ أشخاص آخرين
٩ تعليقات
أعجبني
تعليق
مجلة نداء الرؤح لفرسان الكلمات 