( المسحراتي )كلمات/صبري حسين
( 18 )
مسحراتي
انا المسحراتي
معاكم ليلالتي
في نفس ميعادي
أنادي بصوتي
يا كل احبابي
انبارح وانا ماشي
قابلني صديقي
وليم المسيحي
وقف في طريقي
قال كدة يا صاحبي
رمضان قرب يمشي
ولا مرة تجيب سيرتي
هو انت مش جاري وصديقي
ضحكت وقلت انت مش مجرد صاحب
انت اخويا الباب في الباب
طول عمرنا أهل وأحباب
وبعدين مين قالك
اني مش هجيبك سيرتك
ده انا وحبيت اتكلم عنك
محتاج سنين وعمري ما أوفيك حقك
يا صاحبي يا صديقي
طول عمرك رفيقي
في الحارة والمدرسة
احنا اولاد منطقة واحدة
علاقتنا مبنية
علي الود والمحبة
عمرنا ما عرفنا
مسلم ومسيحي
احنا عايشين تحت. سما واحدة
فوق أرض واحدة
أيدينا دايما أيد واحدة
طول عمرنا عايشين مجتمعين
احنا واحد عمرنا ما كنا اتنين
تشاركني واشاركك
افراحي قبل اطراحي
دايما واقف جنبي
بشد بيك أذري
طول عمرنا دستونا
دين الله في قلوبنا
سبحانه وحده اللي هيحاسبنا
طول عمرنا
حب الوطن يجمعنا
دمائنا روت أرضنا
عمر ما في حاجة تفرقنا
مسيحي ومسلم
الكل لوطنه بيخدم
الخير لما بيهل
بيكون للكل
والشر لا قدر الله لما يحط
طبعا علي الكل يحط
احنا طول عمرنا أخوات وأحباب
عمرنا ما نعرف نقفل في وش بعض باب
سيبك يا صاحبي
من المجانين
شوية الموتورين
اللي لدينهم مش فاهمين
ربنا يهديهم اجمعين
شوف كلام الشيوخ والراهبان
كلامهم كله محبة وحنان
يا اخويا يا حبيبي
صليبك حاضن هلالي
في المحن جرسك بيصرخ مع أذاني
يا صاحبي يا صديقي
طول عمرنا عايشين
مع بعض متحدين
وان شاء نفضل ليوم الدين
إخوة متحابين
مسحيين ومسلمين
اكلنا مصريين
يا كل المصريين
كل سنة وانتم طيبين
رمضان كريم
صبري حسين
أعجبني
تعليق
مجلة نداء الرؤح لفرسان الكلمات 