( نفسي ) :
نفسي اقولك يوم بحبك
بس خايف رد فعلك
خايف إنك تجرحيني
خايف إنك تالميني
خايف إن الدمعه تجري
وتسابقني جوه عيني
أيوه خايف
بس ليه ما اعرفش خايف ؟
سكت الكلام
ما قدرش يخرج م الشفايف
خايف عليكي ولا منك ؟
ما بقيتش عارف
طب لإمتى هابقى خايف ؟
والخوف بيهز القلوب
بيخلى اسهل شيء اشوف سكة هروب
زي الشمس ما بتهرب ساعة الغروب
بس بارجع تاني ألاقي
إني باهرب برضه ليكى
والقى حبك لسه باقي
وإن خوفي ماكانش منك
كان عليكي
عشان كده ما بقيتش خايف
اخاف من إيه؟
وبعينى شايف
شايف الفرحة ف عينيكي بتناديني
بتقول تعالى يا حبيبي هتلاقيني
هتلاقيني
نفسي يوم اسمعها منك
قولها بصوت عالي
إوعى شيء في الكون يهمك
قول بحبِك
قول عشقتِك
ده انا نفسي يوم إنك تقول
هتلاقي مني في الغرام كل القبول
وقلتها
أنا قلتها
وشجعتني وقلتها
بحبك … بحبك … بحبك
الشاعر جمال زكي عينر
١١
تعليق واحد
أعجبني
تعليق
مجلة نداء الرؤح لفرسان الكلمات 