أهلا رمضان
شهر الرحمة شهر والغفران
شهر القيام شهر والقرآن
أهلا رمضان
بتهل علينا تلاتين ليلة بالفرح
والهنا والنور منور حينا
شهر الإحسان والكل فرحان
بالصلاة والصيام ياريته
معانا طول السنة
أهلا رمضان
حالو يا حالو قولوا معايا
وأفرحوا وغنوا وكمان صلوا
شهر الغفران والخير كلو
وصلوا علي النبي صلوا
شهر القيام شهر القرآن شهر
الإحسان ويابخت من فرح
غلبان وبالصلاة علي النبي
العدنان الفرحة في كل
مكان وبيجمعنا آذان ونقوم
نصلي ونسجد بين إيد
الرحمان نطلب منه الغفران
وسيدنا النبي يخدني في
ظله لباب الريان
وحالو يا حلو رمضان كريم
وعلي النبي صلوا
أهلا رمضان
يا محلي اللمة قبل المغرب
واحنا بنستني المدفع يضرب
ساعة جميلة وليها معني
وصوت الشيخ م مَتَعنا والكل
هيمان في حب الرحمان
إللي بيدعي وإللي بيسبح
وإللي قاعد للشيخ يسمع
وعلي صوت المدفع
الكل بسم الله يقرب يفطر
علي قمر الدين أو حتي
عصير شهر عظيم وخيره
كتير حاجة جميلة لمة العيلة
وكمان بنعزم بعضينا وبنفرح
قوي باللي يجينا من صحابنا
وقرايبنا وأهالينا وندعي ربنا
يدمْهَا علينا ولا يحرمني من
بعضينا وأهلا رمضان شهر
الرحمة والغفران شهر القرآن
بقلمى/ هشام محفوظ
أعجبني
تعليق
مجلة نداء الرؤح لفرسان الكلمات 