( المسحراتي )كلمات/صبري حسين
( 19 )
مسحراتي
انا المسحراتي
معاكم ليلالتي
ابدا كلامي
بذكر الرحمن
واصلي وأسلم علي النبي العدنان
عليه وعلي أهله وأصحابه الكلام
افضل صلاة وسلام
مسحراتي
بحب اشغل عقلي
وأشوف أحوالي وأحوال من حولي
بشوف حاجات كتير تعجبني
وحاجات اكتر بتزعلني
السعي علي العيش حاجة جميلة
لان العمل وسيلة
لرفع شأن الاوطان
واعطاء قيمة للأنسان
العمل عبادة
أي مهنة جميلة
طالما مهنة شريفة
المجتمع محتاج للوظائف الكبيرة
ومحتاج للصنياعية المهرة
محتاج للتاجر الشاطر
اللي بيراعي ربه في بيعه وشراءه
محتاج للي بينظف شوراعنا
اللي بيجمع كل مخالفتنا
أي صاحب مهنة شريفة
يتحط تاج فوق الراس
كلنا محتاجين لبعض
مفيش حد احسن من حد
كلنا تروس في عجلة الحياة
لو غاب ترس تتوقف
عايزين يكون الاحترام
سائد بين الكل
مش عايزين حد يحس بالظلم
ياليت نقيم موزاين العدل
سبحانه الحكم العدل
قال الكل سواسية كاسنان المشط
لا فرق بين عجمي ولا عربي
مهما كان اللون والشكل
مدوا ايديكم أحضونوا بعض
احنا ضيوف علي الارض
تعالوا نصرخ ونقول
مفيش حد احسن من حد
مطلوب من الجميع أنه يعمل بجد
يتقن ويتفاني في عمله
كدة ينال رضا ربه
كل المهن الشريفة
للمجتمع مفيدة
مهما كانت صغيرة ولا كبيرة
كلها مطلوبة
يا مسلمين يا موحدين
كل سنة وانتم طيبين
رمضان كريم
صبري حسين
أعجبني
تعليق
مجلة نداء الرؤح لفرسان الكلمات 