الحلقه الواحد العشرين.
برنامج المسحراتي
اذيع بالتليفزيون المصري عام ٢٠١٥
للشاعر / مصطفى فريد
تتر.
مسحراتى داير انادي
فى كل وادي أقول يا هادي
أحرس ولادي وانصر بلادي
على الاعادي والطماعين.
نبضي فى قلبي بيدق طبلي
جادل فى حبلي بحري وقبلي
نجوم بتضوي بهجة وحنين
طول بالك
غيظ احزانك
طلع لها بالفرح لسانك
وبإصرارك
عيش ايامك
الأفراح مخلوقة عشانك
نفحة من رب العالمين
أرمي همومك
إنسى آلامك.
لسه العمر جميل قدامك
افرح اتعب
إياك تغضب.
او يهتز فى مره ايمانك
خلي صلاتك تحيي الدين
خليك دايما هادي ونادي
ايه راح تاخده
من الدنيا دي.
غير اعمال تزرعها بأيدك
تطرح ليك فى الآخره أمانك
وتكون بيها من الصالحين
فيناله.
بانادي دايما
الله ربي
وهادي قلبي
فى كل وقت وكل حين
ادعي لربك
يغفر لذنبك
ويخف جرحك
ويعم فرحك
وتروق ملامحك
ويمد لينا شهره الكريم
١١
تعليق واحد
أعجبني
تعليق
مجلة نداء الرؤح لفرسان الكلمات 