رباعيات
من ديوان/ سنين المخاض
للشاعر/ مصطفى فريد
يارب يا مطلع على كل سر دفين
القلب مهما برع فى الكدب هيروح فين
ولو خدعت الناس والكل صدقنى
سبحانك انت عليم رايح وجاى منين
خلقتنا من تراب ونفخت فينا الروح
علشان نعيش نعبدك قبل استلال الروح
غوانا مكر الشيطان نسانا تعاليمك
خلا ذنوبنا جبال والقلب بات مجروح
ياللى غواك الشيطان خللى العشم فى الله
إسهر مع القرآن تلقى الآمان فى هداه
خللى عندك أمل فى رحمته الواسعه
وفى الصباح والمسا وحد وجود الله
خد من ماضيك العبر وافهم هوا الدنيا
خليك بعيد النظر دى مسيرها يوم فانيه
خد منها زادك تقى من صالح الأعمال
قبل مايجى الآجل بين لحظة والتانيه
الصورة
٢فهدالصحراء الجرئ وشخص آخر
تعليقان
أعجبني
تعليق
مجلة نداء الرؤح لفرسان الكلمات 