……….وشوش الودع
افرد منديلك ووشوش الدكر
وارمي بياضك بختك ف الودع
صبية جميلة تشبه نور الفجر
هتاخدك عيونها معاها ياجدع
وسكة سفر هتسافر للقمر
هتحس بفرح وألم ووجع
هتسهر ليلك وحلمك خيال
وهتاخدك توهة زمان البدع
هتبقي موال درب الغناوي
وسيرتك غنوة بنات بدلع
حظك عسير وليلك حزين
ومص الشفايف علي ده الجدع
درويش هتمشي بين الخلايق
مجذوب هتبقي بشكل الفزع
وبعد مماتك يتغنوا بحياتك
مقامك مولد وحاوي وخدع
وذكر ومدد ونفسي ف ولد
وندر ودبايح وقرب ياجدع
حاضر مولد سيدي أيمن
حضرة وقبة خضرا وشمع ولع
عاش مجهول وحكايته تطول
وبعد الممات نصفه زمان البدع
أيمن بلال
٢Fatima Widad وشخص آخر
تعليقان
أعجبني
تعليق
مجلة نداء الرؤح لفرسان الكلمات 