الحلقه. ( ٢٢ ).
برنامج المسحراتي
اذيع بالتليفزيون المصري عام ٢٠١٥
للشاعر / مصطفى فريد
تتر.
مسحراتى داير انادي
فى كل وادي أقول يا هادي
أحرس ولادي وانصر بلادي
على الاعادي والطماعين.
نبضي فى قلبي بيدق طبلي
جادل فى حبلي بحري وقبلي
نجوم بتضوي بهجة وحنين
نور الفنارة.
جمع الحيارى
شوفنا البشارة
مركب بداره
شايله الاماره
همة وشطاره
والخير كتير
بورى وشبار.
سبيط محار
وقلوب عمار.
من غير هزار
واخده القرار
تبنى لها دار
بعرق سنين
انا من طفولتي
الصيد مسيرتي
أرمي شبكتي
فى بحر عشقي
تطلع تزغرد.
وتملا حجري.
رزاق كريم.
فيناله.
بانادي دايما
الله ربي
وهادي قلبي
فى كل وقت وكل حين
ادعي لربك
يغفر لذنبك
ويخف جرحك
ويعم فرحك
وتروق ملامحك
ويمد لينا شهره الكريم
أعجبني
تعليق
مجلة نداء الرؤح لفرسان الكلمات 