فين ندور فين وفين
نلاقي زي فلسطين
دوله صابره ع المصايب
ورصاص يوماتي صايب
من اطفالها ملايين
ولسه مكملين
فين ندور فين وفين
نلاقي زي فلسطين
***************
مسجدها اقصى مبعث امين
بالمؤمنين رؤوف رحيم
قدسها شارب من الحميم
وعربها مترف ف النعيم
ياللي بعنيكوا شايفين
صامين اذانكوا وساكتين
فين ندور فين وفين
نلاقي زي فلسطين
***************
فيها الأذان ممنوع
وحق اليهود مشروع
عبت عنيا دموع
والقلب بات موجوع
علي ناسها ماتت جوع
خلاصة الموضوع
مسلمينها متحاصرين
واحنا مطنشين
واسمينا مسلمين
واخوات ف عرب ودين
فين ندور فين وفين
نلاقي زي فلسطين
***************
احتلالها يوماتي آتي
قتل فيها شغال يوماتي
لو تلف نهار ليلاتي
زي قدسك مش تلاقي
فين ندور فين وفين
نلاقي زي فلسطين
٤٨ مشاركة
أعجبني
تعليق
مشاركة
مجلة نداء الرؤح لفرسان الكلمات 