ورقه وقلم
امسك ورقه وقلم
واكتب اللي شوفته في يومك
افراحك همومك واللي قاله غيرك
وريح قلبك واوعى تفكر في اللي جرالك
اكتب كل كلمه خطرت على بالك
سمعها قلبك ومقلهاشي لسانك
وابعد عيونك عن اللي قدامك
وارسمله صوره في خيالك
ضم ايديك وحَوّد رجليك
م الشارع التاني بعيد عن عدوك
وخلّي طريقك اللي فيه احبابك
وابعد عن عوزالك شوف النهار
وكلم القمر ع اللي في بالك
هدّي نفسك وفكر في حالك
وانسىٰ همومك واحزانك
وابعد الخبيث اللي يحب يهيص
وعامل لك حبيب ويفرح لأحزانك
واللي ياكل لقمتك والأذيه يتمنالك
واللي ينكر وينسىٰ اللي عملته عشانه
وخليك دايما في حالك
ابراهيم محمد آدم
١١
تعليقان
أعجبني
تعليق
مجلة نداء الرؤح لفرسان الكلمات 