كلمات
اشرف مفيد
الانسان مضغوط فوق طاقته
عمال يجري ورا مصلحته
علي اعصابه وقله راحته
محروم م الترفيه مع عيلته
اصل الاسعار قدامه نار
رايح جاي زي المنشار
مخه اتشتت م الافكار
مصاريف والتزامات وايجار
حتي الناس مش سايبينه
وهو يا عيني طالع عينه
علشان هما مش شايفينه
يفضلوا يتكلموا ويدينوا
هما مش حاسين بالدنيا؟
والوضع اتغير في ثانيه
وحرب ف رورسيا واوكرانيا؟
ولا انتوا في كواكب تانيه؟
عايزين ربنا يصلح حالنا
ويغفر لينا كل ذنوبنا
ونصلي من كل قلوبنا
ربنا يسترها ويرحمنا
كلمات
اشرف مفيد
مجلة نداء الرؤح لفرسان الكلمات 