(((((الوصية))))))
الاهالى غرسوا فينا مبدأ أحنا
مشينا بيه
اللى يعمل خير ياأبنى
هايلاقيه
وإن اللى يزرع شوك هايمشى
فى يوم عليه
وإن مهما الورد يدبل
ريحتة فيه
ولما عدى العمر بينا
وأتصدمنا فى اللى مننا واللى لينا
اكتشفنا إن الاهالى دول غلابه
هما عاشوا بقلب صافى
واحنا عشنا جوه غابه
لما جينا نعيش حياتهم
صرنا عشوة للديابه
وبصراحه شئ مخيف
إن أنت صعب
تعيش نضيف
وإن إحلى مافى كلامك
كله زييف
شئ مخيف
لما تبقى فيها ضيف
وان مهما العمر طول
هدمه سترة وكام رغيف
كان كفايه فى حياتك
إنك انت تعيش عفيف
ولما يجى يوم مماتك
موت خفيف..موت خفيف
شعرسيد توفيق
أعجبني
تعليق
مجلة نداء الرؤح لفرسان الكلمات 