انطق وقولى
ياواد ياخاين
من خيانتك
خدت ايه
تخرب وتقتل
بس يادوب
علشان دولار
والا جنيه
واخدو
بخسة وبندالة
رد وجاوبنى
لو ضاع الوطن
وطنك
انت يبقى ايه
مكتوب فى اقامتك
انت لاجىء
مسلوب ارادة
وفى اى لحظة
تترحل يابيه
ارجع ياابنى
وعود لرشدك
من ارهابك
اخدت ايه
تقتل فى
فى ضباطنا
وفى عساكر
قولى للاقصى
انت عملت ايه
اصلك غبي
راضع غباوة
ومافرقتش يابيه
مابين عدوك
والبطل
حامى البلد
واللى ضحى
وخاف عليه
طب
بعد الحرايق والمصايب
ياواد ياخاين
من خيانتك
اخدت ايه
مصر باقية
وانت زايل
واللى زيك
محدش
هيترحم عليه
دعانا بس
بالرحمة للبطل
حامى الوطن
هو دا اللى
يستاهل
ونترحم عليه
رحم الله شهداء الوطن
تحيا مصر
حسن حجاج
مجلة نداء الرؤح لفرسان الكلمات 