________________
صوت النصر
________________
مش مكتوب ابدا يابلادي
تفرحي حتى ولو ليومين
ليكي كتير حساد وأعادي
بيخططوا ومش نايمين
خفافيش طلة من الجحور
ولايظهروا ابدا في النور
خاينين يخافوا من الظهور
والفجر هايقولنا دول مين
…………
بكرا يامصر الفجر اهو طالع
جايب لينا النور وياه
صوت النصر معاه أنا سامع
علشان ييجي انا بترجاه
بكره هاتبان الحقيقة
بايدينا وقلوب جريئة
بنسايم فجر وبريئة
والفرحة اهى جايه معاه
……………
صوت الفجر هايبقى في سينا
هاينور لجنودنا هناك
هايصحي كل أهالينا
هانقول لوطنا احنا فداك
هيدكوا حصون ويا جبال
وهياخدوا التار م الاندال
يرتاحوا الشهدا الابطال
ونقول لشهيدنا احنا معاك
____________
بقلم الشاعر رمضان عبدالله أحمد
٣محمد عزت، Tghred Ahmad وشخص آخر
٤ تعليقات
أعجبني
تعليق
مجلة نداء الرؤح لفرسان الكلمات 