* * * حبيبي * * *
على لسان زوجه شهيد
وأم شهيد وأبو شهيد
للشاعر /صابر الشناوي
زوجته؛؛؛
راح فين حبيبي من حياتي
المكان. والولاد تنده ليلاتي
بابا. فين.؟؟؟
أضحك. وأخبي وأقول يا قلبي
بابا جاي وجايب معاه م الخير كتير
جايب. لكم. من أرض. سينا
رمله طاهره
وجايب. لكم. كمان. م المينا
حاجات. كتير
وزرع. لكم في الوادي
الأخضر ألف. زهره
ومن البحر الأبيض والأحمر
جايب مرجان. وخير
ومن الصعيد. جاب
التاريخ. نعوف. ونقري
ومن. الحسين. والسيده
مسك. وعبير
وهتفضل ريحته معطره
كل. المكان
راح. وساب . م الخير. كتير
أمه؛؛؛
كان بيقولي يا حبيبتي يا حبيبتي
من حبي ليكي . وخوفي
على أختي وبنتي
راح. أضحى. بكل. غالي
أعيش أموت وأبلغ أمالي
ودع. عياله ووطي
على. إيدي يبوسها
وقالي يامه مصرنا
ربك حارسها
خلي بالك م. الولاد
واذكريني في الميعاد
وقت الآذا ن آن الآوان
نقضي على. اللي كان
عايز يدوسها
والحبايب والجيران لو
يسألوا بامه. قوليلهم
ابني راح وساب م الخير كتير
أبوه
وقفت بشموخ وسط الشيوخ
إبني. بطل إبني هرم
إبني. شهيد وإبنه. وليد
بإيد. من حديد هنهزم أمم
بصبر وجلد. وعزم. إتولد
هنرفع. ريتنا ونبني البلد
ويفضل حبيبي نسر العلم
والولاد والحبايب والجيران
هتفضل. فاكره. إنه. هنا
حمى أرضنا وصان عرضنا
وساب. وراه م. الخير كتير
مجلة نداء الرؤح لفرسان الكلمات 