(ليه ياحب تاعبنا معاك)
ليه ياحب تاعبنا معاك
ومخلينا بنجري وراك
اللي شارينا مش شايفينوا
واللي بايعنا بنجري وراه
وعيت علي الحب وحلمت أنا بيه
وقلت حبيبي لما شوفت عنيه
إداني أمل واتعلقت أنا بيه
بقالي زمان في خيالي بابنيه
كبر جوايا وعيشت أنا فيه
ولما شوفته بالحب وعدته
هافضل أصونه هافضل أوده
لما خدوني للجنه عيونه
لو عذبني عمري ما اخونه
ولو غاب أعاتبه وقلبي يلومه
وأن كان حبي خبيته عليه
وقلبه بغيري طلع مشغول
ومايعرف قلبي بهواه مجنون
هاصبر قلبي هو اللي اختاره
وياما اتحمل في الحب عذابه
وعشان قلبي داب في هواه
والحب زرعته من زمان جواه
واتمني عمري كله معاه
هاكره قلبي لو دق لغيره
وافضل ألومه لو يوم ينساه
او يوم جاني يشكي هواه
وكلي امل يحس بيا
ويحققلي كل أحلامي
واعيش وياه ويكون ليا
كل الحب لكل أيامي
خواطر(اشرف الدغيدي)
حقوق النشر محفوظة
١١
تعليقان
أعجبني
تعليق
مجلة نداء الرؤح لفرسان الكلمات 