ماتت شرين والدم اهو ساح
ماتت وكان صوتها كأنه صباح
كانت ماسكه فى ايدها مكريفون
لا ماسكه حزام ناسف ولا سلاح
فاكرين بموتها صوت الحق مات
خدوها غدر من وسط التكبيرات
من وسط اجراس الكنايس
من وسط الترنيمات والتهليلات
من وسط اغصان الزتون البريئه
شرين ابوعاقله الحره الجريئه
فى الاقصى والقدس وجنين
كانت شرين . صوت الحقيقه
فاكرين بموتها يخرسو الاحرار
شرين صوتها رعد فى كل دار
ولو ماتت ومات كل صوت حر
هاتشوف الحجارة تقدح شرار
القضيه حيه ومستحيل هاتموت
قضية شعب رافض للسكوت
قضية حق راسخ فى كل جيل
موروث اصيل جبل فى الثبوت
يامنظمات ضمير العالم الكداب
صحفيه ماتت . هل من حساب؟
قتلها بالصوت والصوره الجبان
ولا الصحافه كمان . بقت ارهاب
يامنظمات ضمير العالم الكداب
صحفيه ماااااتت . هل من حساب
١٧١٧
١٤ تعليقًا
٩٨ مشاركة
أعجبني
تعليق
مشاركة
مجلة نداء الرؤح لفرسان الكلمات 