من وحى الخيال ..

بقلم الشاعر الغنائى ..

محمد البريمى ..

شعر غنائى ((( خلاص )))

من وحى الخيال ..

شعر غنائى ((( خلاص )))

خلاص م بقتش غالى عليكى .. لا بتشتاقيلى ولا عايزه تشوفينى .. تشوفنى ..

فين كلامك ليا زمان .. ولا أنا كنت بأحلم و الحلم كان بعيد عن عينى ..

ياما قلتيلى و سمعت منك .. و ده كان بخاطرك مش غصب عنك ..

كلام كتير م الحلو الغالى .. ياما كان بيفرحنى و يهنينى ..

خلاص م بقتش غالى

جايه انهارده بعد سنين حب و موده .. تستخسرى فيا ليه محبتك ..

ونا اللى كنت بأتشوق ليكى و لضحتك… أسمعها من هنا تاخدنى معاها ف سكتك ..

لحد م ذاد حبى ليكى .. و من خوفى و غيرتى عليكى ..

كل يوم يزيد الشوق .. و أقول بكره تصلحى غلطتك ..

خلاص م بقتش غالى

قوليلى ايه غير هواكى .. عشان تنسينى بالشكل ده ..

ان كان هواكى عاشق و بيميل .. ليه سيبتثينى أحبك كل ده ..

مش حرام عليكى تعذبى قلبى معاكى .. و هو اللى اختارك ليا و بيهواكى ..

طاب كان ذنبه إيه تجرحيه .. بعد العز و البغدده ..

خلاص م بقتش غالى

الله يسامحك يا زمن .. يلى حوجتنى .. لناس خاينين باعونى بأرخص تمن ..

بعد م حبيتهم و اديتهم الأمان .. اتخلوا عنى و دفعونى التمن ..

و كان التمن غالى .. خسرت النظر بالعين و هو كل رسمالى ..

لا بقيت عارف يميتى من شمالى .. و أفراحى اتبدلت أحزان و محن ..

خلاص ..

بقلم الشاعر الغنائى ..

محمد البريمى ..

١١

تعليق واحد

أعجبني

تعليق