بقلمي
صلاح شعبان الفيداوي
===== فكهاني ====
فكهاني وحظي معاند
والفقر عليه انا شادد
ومعايا كل الفاكهة
تفاح وياه الموز
وخوخ ومشمش وياه
والكل خلاص هيبوظ
قاعد مستني زباين
مش لاقي حد يعوز
والكل ضاربلي البوز
أناناس ومعايا الكيوي
ومعايا البلح السيوي
بس الدنيا دي حظوظ
آه ياني أعمل إيه
في المانجه بكل اشكالها
عويسي وسنارة وذبده
ومانجه قد الكوز
بس فينكم يازباين
برتقال بلدي ويوسف
وأبوصره حجمه كبير
مسكر وطعمه خطير
بس الدنيادي حظوظ
واخد على خاطري أنا منكم
زروني يا ناس دا حرام
أنا ليكم أكون خدام
طلباتكم عندي أوامر
واللي هيجيني محظوظ
يشتري مني ويفوز
قبل بضاعتي ماتبوظ
بقلمي
صلاح شعبان الفيداوي
القاهرة
١٥/٥/٢٠٢٢
أعجبني
تعليق
مجلة نداء الرؤح لفرسان الكلمات 