…….. كل خوف وله نهايه ……….
كل خوف وله نهايه
الاخوفى عليك بيكبر
كل ماتمر الساعات
شوقى ليك عمال بيكتر
وانت كل شويه تزعل
والزعل عمال بيكبر
لما حاسس انى تايه
والقلوب زى الرحايه
ليه بتغضب وانت قلبك
دمه بجرى بحشايه
ليه تلومنى وانا منك
وانت عايش مش معايا
كل ده ولسه قلبى
فيه مرار المُـر اكتر
************
ياللى كنا قلب واحد
والحياه صوتك ماليها
انت رايح لأ وباعد
مين لروحى يشتريها
ليه بتبعد أه ياجاحد
نفسى ضاعت مش لاقيها
دا الحياه حبة معانى
والمعانى توهت فيها
قلبى خايف يجى بكره
تلقى روحى مش لاقيها
وقتها بس هتعرف الحياة
حبى بس كان ماليها
كل خوف وله نهايه
إلا خوفى عليك بيكبر
كل ماتمُر الساعات
والزعل عَمال بيكبر
************
قلبى نازف خوف وهم
مش بينزف قيح ودم
وانت قلبى ليه بتبعد
وتلاقينى مرار وسم
ليه تاخدنى لسكه تانيه
ولحبال الوصل تقطع
واما ابقى بشوق بجد
مين هيقرا ومين هيسمع
بعدك انت هد قلبى
والملامه ان زنبى
حبى صافى ليك وجم
وانت عامل مش عارفنى
واما اقابلك مش شايفنى
كل خوف وله نهايه
إلا خوفى عليك بيكبر
كل ماتمر الساعات
شوقى ليك عمال بيكتر
وانت كل شويه تزعل
والزعل عمال بيكبر
……………… احمدعامر ……………….
ننوه ان ماينشر حق مسجل بالهيئات المنوطه بذلك 1210401/2016س م ب
٢سهم الصحراء وشخص آخر
تعليق واحد
٦ مشاركات
أعجبني
تعليق
مشاركة
مجلة نداء الرؤح لفرسان الكلمات 