بقلمي يحيى حسين
آخر كلام
بقلمي يحيى حسين
شاغل بالك بيها
بقلبك وأنت وحيد
وخيالها ما بيحيد
عجيب كلام قلبك
زي غثاء السيل
لا عمره يروي عطش
أشرب وعطشي يزيد
عجيب نبض قلبك
قاعد يكلم نفسه
ما حد سمع صوته
لما حيسمع همسه
دوشنا بكتر الكلام
عن بكرة وأحلامه
يا ريت يبطل كلامه
وخليه هنا بامسه
بطل بقى وأتلم
بلاش تكون متطفل
مزنوق في خانة اليك
والدور عليك متقفل
هو امتى الحظ
عدى على ابوابك
انسى انك في مرة
تسرقه وتغفل
عامل نفسك طبيب
دكتور إستشاري قلوب
لم نفسك عيب
قلب البعيد معيوب
بتوصف للناس الدوا
وانت دواك غالي
وياما الغالي جرح
والقلب كله ندوب
ياريتك بتعرف تكذب
وترص الكلام ياريت
لكنت ملكت القلوب
وأستعمرتها وغزيت
ولكن كلام قلبك
صدقه يفوق الحد
قلبك يقول الصدق
ويتقلي في سمن وزيت
أحسن خلاص أعتزل
كلامك دا كله خيال
جرب تعيش الواقع
ما فيش حصان وغزال
ضيعت عمرك هدر
والعمر كان واحد
يا خسارة ضاع العمر
والحلم أكون خيال
يحيى حسين القاهرة
30 سبتمبر 2022
٤بوحات أمل، وعصام اﻻحمدى وشخصان آخران
٦ تعليقات
أعجبني
تعليق
إرسال
مجلة نداء الرؤح لفرسان الكلمات 