…..كراكيب……
وانا ماشي بدور جوايا
وبخبط من كتر الكراكيب
وبشوف ايه ينفع لهوايا
او مين راح يقبل بيا نصيب
وابعدو عن كل قديم وغريب
……
ولقيت وانا ماشي وفي عروقي
حبة أفراح للعمر ال جاي
وبقول لو جالي وعلى زوقي
هسالو بتجيبو الضحكه ازاي
وحياتي ياريت بكره تروقي
او قولي لفرحك باي باي
….
وانا ماشي لقيت حبة اشواء
مركونه محدش جربها
ينفع تتفرق عالعشاق
بس الأحزان مره تسيبها
مش حكايه تبدأ فراق
قبل اما نخبط على بابها
…..
ما هي دايره علينا ومكتوبه
بنلف ف نفس الدوامه
دنيتنا علينا ومحسوبه
هنقابل فيها كتير ياما
وبننسى الفرحه المسلوبه
والجرح يزيد فينا وساما
……
جوايا حاجات كات مكسوره
لميت ف ازازها وجمعته
طلعت برواز من غير صوره
والكارت انا فاكر قطعته
وحرقت ملامحه المعصوره
كان غالي ف يوم بس انا بعته
…..
وخرجت خلاص من جوايا
وقفلت بقفل على الماضي
مطمن و القلب معايا
وكأني موافق او راضي
بالامي وبكل آسايا
علشان للحزن انا مش فاضي
…..محمد إبراهيم درويش………
٢٢
٦ تعليقات
أعجبني
تعليق
إرسال
مجلة نداء الرؤح لفرسان الكلمات 