…… ياورد ايه دبلك …….
ياورد ايه دبلك
ماتقولى ايه مالك
مين اللى شاف اولك
وغير احوالك
ومين سقاك الألم
وليه تحس بندم
اصحى وخد بالك
لا الميه هى السبب
ولا كلام العتب
غير بألوانك
دمعى الحزين بللك
ولا الحنان دللك
ولا الزمن هانك
دانا قلبي نبضه وقف
والشعر شاب واتقصف
وكله علشانك
ياورد ليه تتخدع
وتبيع بدم الجدع
تقلع جدور عشقكم
مع إنه يوم شالك
لما رموك بالبدع
مالقتش واحد جدع
كان يومها كيالك
ياورد عطرك عطن
أما اللى فيك أو بطن
فانطقته بلسانك
ريحتك بقت مقبره
وببانها متسمره
مكتوب عليه العوض
من كل أفعالك
ياورد عودك نشف
واللى ف حشاك انكشف
وبقيت رماد واتعطن
وداسه خيالك
قلبي اللى كنت بتعشقه
مجروح على مرفأه
والدمع سال م الجفى
لما رآك هالك
ياورد ايه دبلك
ماكنت على راسي
وليه تكون أسوتك
عنوان بكراسي
قلبي حزين أخرتك
والكل بيواسي
الا أنا ودمعتى
نبكى على احوالك
…….. احمد عامر ………
ننوه إن ماينشر حق مسجل بالهيئات المنوطه بذلك 2170/2022 س م ب
٨الشاعر محمد علي فرغلي، وAhmed Amer و٦ أشخاص آخرين
٢٦ تعليقًا
٢٩ مشاركة
أعجبني
تعليق
مشاركة
مجلة نداء الرؤح لفرسان الكلمات 