(الوشوش مابقتش هِيَّا)
الوشوش مابقتش هيا والقلوب مِتّْغيَّره
والدنيا بتمرجح فينا ونفوسنا مِتّْحيَّره
حتي الأسامي صبحت أسامي ملهاش معني وقُصيٌَره
والأماني اللي اتمنيناها من طمعنا مِتّْبعّْتَره
والأحلام اللي حلمنا بيها صحينا ولقيناها مِتّْبخَره
والسنين آه م السنين عدت علينا أيامها ساعات
وخلص عُمرنا من سُكات
واللي راح من عمرنا راح وصبح ذكريات
وصبحنا عايشين ومش عايشين
وبين رحايا الطمع مدهوسين
ياهل تري ايه اللي حصل ياناس لينا
وايه اللي جري لينا و فينا
الزمن هو هو واحنا اللي فيه اتغيرنا
وراح جوانا الأمان ايوه راح.من زمان
ومين يصبرنا
ولما راح الرضا بقينا من بكره خايفين
وانشغل بالنا بالدنيا تاني وبقينا تايهين
ومعانا راح يجري إيه تاني من السنين
وصبحنا عايشين علي الدنيا ملهوفين
اللي يظلم واللي يغدر واللي يجرح
واللي يبات علي خدوده دمع العين
وقلوبنا نفسها تتهني وتفرح
وصبحنا كلنا من نفوسنا مظلومين
والحب غاب عن القلوب وراح من غير رجوع
والأشواق تاهت عننا والحنين صبح حزن وأنين ودموع
لاحد فينا عايش وراضي بحاله
ولا حد مننا صابر علي اللي جراله
خواطر ( اشرف الدغيدي )
حقوق الملكيه محفوظه
٥ارق ملاك، وElmasry Alshaer و٣ أشخاص آخرين
١١ تعليقًا
أعجبني
تعليق
إرسال
مجلة نداء الرؤح لفرسان الكلمات 