شجرة ضلك بقلم/عبد الكبير محمد أحمد

شجرة ضلك

——-——-

ماشي ف كل طريق قدامي

إنت وشفتك ….حلم منامي

وزهور عمري.. اللي بتتفتح

إنت عبيرها… محدش تاني

……………………………

صحيت على …حبي لأيامي

رحت لشوقي….وعز غرامي

طلعت شمسي وقلت أصبح

حسيت روحك ..جوا كياني

…………………………….

لو يرضيك مع حبي كلامي

تعرف إني.. داريت أحزاني

اشوف الدنيا …..وانا بفرح

بيك ومعاك ..يهنالي زماني

…………………… ……..

عايشه وسنين عمري أماني

جيت بالحب لقيت أحلامي

شفت حياتك شجره بتطرح

وف ضلتها…… خدت مكاني

…………………………….

مفيش هجر ..يزيد حرماني

ولا شكوى….ظنوني وآلامي

أبعد عن…. كل اللي بيجرح

وأقول للفرحه… خدت أمالي

*********************

بقلم/عبد الكبير محمد أحمد

،