الغربه
١- يا ولدى الغربه كربه// فيها الاصيل يتهان
٢- بلدك أولى بجهدك//أبنى عمر البنيان
٣- لو قولت أخ تلقاه//والكل عزوه وأمان
٤- أرضى بقسمة ربك//والصبر من الإيمان
٦- تساوى كام غربتك//وليل طويل أحزان
٧- أهلك ولا تهلك //كلمات قالوها زمان
٨- من إلى يمسح دمعتك//وانت وحيد غلبان
٩- تروح بتمام صحتك //ترجع عليل مرضان
١٠- أو يوم تودع دنيتك//مشحون لتراب اوطان
١١- ولو ٱنحنى ومال ضهرك // لا تعيده ذى زمان
١٢- وزمنك إلى أنقضى//ضيعته فى الحرمان
١٣- تساوى كام ضحكتك//بين أهل والجيران
١٤- أحرص على مكسبك//بلدك بحاجه جدعان
١٥- خزائن الأرض بيك//مصر يا أرض الجنان
١٦- يا راعى لأسرتك //المال ما يبنى كيان
١٧- علم قيم ومبادىء// تبنى صرح بلا عمدان
١٨- صحبه على شط نيلك//كزهر فى البستان
١٩- تتسامر غزل فى ليلك// تولف حب وأمان
٢٠- نسمة هواء فجرك//فل وياسمين وريحان
٢١- وأذان جميل يندهلك//لبى نداء الرحمن
كلمات فؤاد أبوطاحون شاعر وموجه أحياء بالأزهر
الشريف سابقا
٢ارق ملاك وشخص آخر
٤ تعليقات
أعجبني
تعليق
إرسال
مجلة نداء الرؤح لفرسان الكلمات 