(زجل مغربي)
بَرَكَة مَنْ التْشَمْكِيرْ!
(زجل مغربي)
**أتمنى أن يقرأ شبابنا هذا النص المتواضع..**
نَبْدَا لَكْلامْ والشبان تتجاوب
نݣول كلامي ونزيد نعاود
بَرَكَة مَنْ طْرِيقْ التْشَمْكِيرْ
نحكي حكياتْ كَانْ ولا بَدْ
دِيرْ أنت.. وهو..وأنا نْديرْ..
شبابنا ولاو يشبهو لمزاود
بتخيدر لعقل والتدمير لكثير
هاذي موضة ولات كتعاود
ما حاس بعقايبها غير لكبير
التربية من ليوم لازم تعاود
فالدار.. والمدراسة والدشير
تراجع يا شاب وياك تعاود
فكر مزيان.. وتوكل..وسير
تزهى حياتك وغدا تتصاوب
سمع لكلامي.. يا ذاك لعشير
طريق الشر حفاري وقوالب
رجع ل الطريق..وبلا تخنزير
الصحة ما دوم فين غا زايد
غدا تذوب.. وتصبح غشيم
هزان الجناوة والراس زاند
بلعوافي تحرݣو ݣلوب كثير
فكر مزيان.. وبلا ما تعاند
مزال ݣدامك غا تلقى الخير
-بقلم: محمد دومو
-مراكش/ المغرب
٢ارق ملاك وشخص آخر
٣ تعليقات
أعجبني
تعليق
إرسال
مجلة نداء الرؤح لفرسان الكلمات 