( وانا صغير ) م/عبالحميد سالم
ولسه فاكر عيلتى وانا صغير
تشوف الطيبة ف وشوشهم
والبركة كنز مش بس ف فلوسهم
رغم كونها بالملاليم لكن راضيين
وطبلية بتجمعهم ف ماعون واحد
مفيش حد فيهم ع التانى بيتكبر
يومنا يبدأ م النجمة مفيش تأخير
على أذان الفجر بيقول الله أكبر
نصليه وبدعوة أمى نستفتح
نشرب حليب و ع الغيط قوام نسرح
غدانا كان عيش يلدى بجبنة قريش
مع فحلين بصل وربطة فجل للتحابيش
وخمسينة شاى تضرب ف النغاشيش
حتى المية كات صافية من الترعة
ف القلة تسقع فشر أيها كولدير
أيام جميلة ف دنيا طباعها بتغير
لكن ذكريات الطفولة أبدا م تتنسيش
أعجبني
تعليق
إرسال
مجلة نداء الرؤح لفرسان الكلمات 